Shkruan në Facebook ministrja e Arsimit Ogerta Manastirliu: Në kantierin e gjimnazit “Kolë Idromeno”, bashkë me Benetin pamë nga afër punimet për rikonstruksionin e plotë të kësaj shkolle, që shumë shpejt do të jetë gati për nxënësit dhe mësuesit me klasa moderne, laboratorë të pajisur me teknologji bashkëkohore, terrene sportive, akses për nxënësit me aftësi ndryshe, e ndërtuar sipas të gjitha standardeve europiane.
Vetëm për infrastrukturën shkollore në Shkodër janë dedikuar 7 milionë euro, ndërsa paralelisht po pajisim shkollat edhe me laboratorë shkencorë dhe inteligjentë, duke u ofruar nxënësve mundësinë të zhvillojnë aftësi digjitale të avancuara.
