“6244 qytetarë shkodranë kanë firmosur peticionin në mbështetje të rikthimit në sistemin e drejtësisë”. Kështu është shprehur në daljen e parë para mediave Fuat Vjerdha, kryetar i Gjykatës së Apelit Shkodër, i cili u rikthye në detyrë pas vendimit të Komisionit të Posaçëm të Apelimit, i cili rrëzoi vendimin e marrë në shkallën e parë të vetting- ut nga Komisioni i Pavarur i Kualifikimit.
Duke folur para gazetarëve, Vjerdha ka falenderuar për mbështetjen e marrë nga qytetarët, edhe pse peticioni nuk u fut në rrethin e provave, siç tha ai. Kryetari i Gjykatës së Apelit Shkodër solli në vëmendje se ka qenë një kalvar 16 mujor, i cili fatmirësisht u mbyll në mënyrë pozitive për të. Duke folur për rikthimin në detyrë të hënën, Vjerdha ka thënë se kerkesa e parë që do ti bëjë Këshillit të Lartë të Gjyqësorit, është delegimi i një tjetër gjyqtari në Apelin e Shkodrës, duke mundësuar të paktën krijimin e dy trupave për të vijuar gjykimet e dosjeve.
Duke folur për punën në gjykatën që do të kthehet të drejtojë nga e hëna, Vjerdha se se deri para 16 muajve, një çeshtje në Apel zgjaste në gjykim nga 1 deri në një vit e gjysmë. Sot kjo periudhë, mund të jetë edhe dy vjet. Pradaj është e nevojshme që Apeli i Shkodrës të kthehet në funksion të plotë.
I pyetur për reformën në drejtësi apo vetting- un, Vjerdha ka qenë mjaft i qartë. Edhe pse një një farë mase ai e pësoi vetë duke kaluar 16 muaj mjaft të vështirë, ai tha se e mbështet atë. Fuat Vjerdha do të regjistrohet në historinë e reformës në drejtësi si gjyqtari i parë që rikthehet në detyrë nga KPA-ja, pasi më herët u shkarkua nga KPK-ja. /ShkodraWeb Media/