Të nderuar bashkëqytetarë të Shkodrës,
Më 2 prill shënohen 35 vite nga dita kur rinia shkodrane u ngrit në mbrojtje të votës së lirë, duke lënë një gjurmë të pashlyeshme dhe një kthesë të rëndësishme në historinë e vendit tonë.
Pasojat e asaj dite, 2 prillit 1991, ishin tragjike: katër të rinj, Arben Broci, Besnik Ceka, Bujar Bishanaku dhe Nazmi Kryeziu, u vranë nga forcat e policisë së regjimit komunist, ndërsa shumë të tjerë mbetën të plagosur.
Këta dëshmorë të demokracisë mbeten sot një thirrje e gjallë për të gjithë ne, për t’u ngritur në mbrojtje të lirisë, të drejtave dhe votës së lirë.
Me datë 2 prill, në orën 11:00, ju ftojmë të merrni pjesë në ceremoninë përkujtimore në nder të katër dëshmorëve të demokracisë. Në këtë aktivitet do të na nderojë me praninë e tij Kryetari i Partisë Demokratike, Prof. Dr. Sali Berisha.
Ju mirëpresim! /Deklaratë e PD Shkodër, lexuar nga Blerina KRAJA, anëtare e Kryesisë/
