Projektligji për vetingu në policinë e shtetit u miratua sot në parim në Komisionin parlamentar të Ligjeve, pavarësisht debateve dhe kundërshtive të opozitës. Më herët ai ishte miratuar në parim edhe nga komisioni i sigurisë. Projektligji u miratua me konsensus nga mazhoranca dhe opozita.
Më herët, deputeti i Partisë Social Demokrate në qarkun e Shkodrës Tom Doshi, i cili në legjislaturnë e fundit ka votuar gjithnjë pro qeverisë, është dukur i matur gjatë diskutimit të sotëm në Komisionin e Ligjeve lidhur me projekt-ligjin për Vettingun në radhët e policisë.
Kritikave të kolegut demokrat Enkelejd Alibeaj se ky projekt-ligj kishte mangësi pasi nuk parashikonte burgun por vëtëm përjashtimin për policët e kapur me kanabis dhe moskthimi në radhët e policisë Doshi iu përgjigj me propozimin që projekt-ligji të mos votohet të enjten në parlament, por të merren parasysh dhe amendimet e opozitës dhe më pas ai të votohet me konsensus nga të gjitha palët.
“Dëshira ime si deputet do ishte që ligji për policinë e shtetit të merrte 140 vota, siç kemi dhënë për reformën kushtetuese. E drejta e opozitës është të bëjë propozimet e veta, jo në komision të ligjeve, por në Parlament. Nuk është nami që të enjten të mos futet në votim. Unë e mbështes opozitën që komisioni, të përbëhet jo nga njerëz të ermëruar, pasi të bëhet një vetting dhe asnjë deputet të mos ketë në shpirtin e tij që s’jam dakord, sepse çdo deputet përfaqëson 10 mijë zgjedhës.
I sugjeroj Alibeajt edhe Nasipit që tua sugjerojnë kryetarëve të partive të tyre. I bëj thirrje qeverisë që mos të paragjykohet edhe në këtë komision besoj se biem dakord, ky ligj s’mund të bëhet për policinë brenda 1 apo dy vjetësh. Ky ligj do metet, ky ligj do metet edhe për ty nesër që si opozitë pretendon të vish në pushtet. Prandaj duhet bërë me dakordësinë e të gjithëve” – tha Doshi.
