“Vendimi nuk apelohet”, Berisha për “ultimatumin” e 5 janarit për Bashën: 44 mijë anëtarët e PD do marrin selinë në 8 janar

Ish-kryeministri Sali Berisha ka njoftuar se në 8 janar, kur do të zhvillohet edhe protesta kombëtare, ​44 mijë anëtarët e Partisë Demokratike do marrin selinë e PD.

I ftuar në ‘Zonë e Lirë’, Berisha theksoi se ky vendim është një vendim i pa apelueshëm.


‘Nëse i ka ngelur një nano integritet ai ka kohë të reflektojë dhe të largohet vetë, i dhamë boll kohë’, tha Berisha duke iu drejtuar Bashës, duke shtuar se në të kundërt do të përballet me vullnetin e 44 mijë demokratëve.

Kjo ngelet në dorë të tij, sqaroi ish-kryeministri Berisha.

“Data 8 janar do të jetë një protesë e fuqishme kombëtare ku 44 mijë anëtarë të PD që firmosën të bëjnë historinë do të marrin në dorëzim ndërtesën e Partisë Demokratike. Vendimi s’ka apelim. Do vijnë në Tiranë te selia për të shpëtuar pluralizmin. Vetëm Edi Rama e mban. E vetmja gjë që bëmë, është që i dhamë kohë.

Ekzekutimi i vendimit është pa apel, e ka vetëm anëtarësia. Ajo ka thirrur Kuvendin, më pas referendumin, në të cilin Lulzim brava u shkarkua. Uroj që ia ta lexojë këtë mesazh siç e kanë lexuar të gjithë shqiptarët”‘ u shpreh Berisha.

Më 5 janar të këtij viti, Berisha dhe komisioni i Rimethemelit të PD-së kanë lënë afatin e fundit ndaj të shkarkuarit Lulzim Basha që të dorëzojë detyrën.