VENDIMI/ FIFA”zgjidh qesen” per ekipet pjesemarrese ne Boterorin “Rusi 2018”

Komiteti Ekzekutiv i FIFA-s, i mbledhur në Kalkuta të Indisë, ka marrë sot disa vendime të rëndësishme sa i takon zhvillimit të aktiviteteve sportive në varësi të saj. Në një nga vendimet ishte edhe rritja e shpërblimeve për skuadrat pjesëmarrëse në Botërorin “Rusi 2018”.

Në Botërorin e fundit të zhvilluar në Brazil “FIFA” kishte vendosur në dispozicion të 32 skuadrave pjesëmarrëse 358 mln dollarë, ndërsa këtë edicion në Rusi kjo shifër do të rritet me 42 mln dollarë, duke e çuar në 400 mln shpërblimin për kombëtaret që do të marrin pjesë.

Ndërkohë vendimet e tjera kishin të bënin me datat e aktiviteteve sportive për sezonin e ardhshëm.