Ish-kryeministri Sali Berisha thotë se vendi po shkon drejt një përplasje civile. I pyetur në studion e ABC News, nëse do të ketë përplasje civile në zgjedhjet e 30 qershorit, Berisha tha se kjo është e sigurt.
“Vendi po shkon drejt një përplasje të sigurt. Se çfarë do të jetë të shohim. Vota e lirë, është vota e lirë. Që kur kombet kanë sakrifikuar për këtë, është e vlefshme. Fasadë nuk mund të jemi. Opozita e ka këtë betejë me çdo çmim për të rikthyer votën e lirë. Pasojat e regjimit të Edi Ramës, janë identike me pasojat e epidemive dhe kolerës në Haiti. A e dini që Shqipëria renditet e katërta në botë për numrin e njerëzve që duna të largohen. Shqipëria nuk ka as ebola dhe as epidemi. 400 mijë shqiptarët e larguar në 4 vite.
PD është në betejë për jetë a vdekje me armikun më të egër, të votës e rendit që është Edi Rama. PD është për fitore, ose vdekje. 30 qershori dhe opozita shumicë do t’i tregojë vendin këtyre që sillen si gangsterë dhe do t’u kthejë shqipatrëve të drejtën për të votuar si qytetarë. opozita ka popullin, të drejtën, fuqinë e tyre. Ata kanë drogën, gangsterët, krimin e fuqinë e tyre do ta shohim kush do fitojë”, shtoi.
Berisha tha se duhet të ikë me çdo kusht Edi Rama për të realizuar zgjedhje të lira.
“Sipas një informacioni të SHISH, 125 komisarë dhe nënkomisarë u morën me parcelat e kanabisit. Duhet të ikë me çdo kusht Edi Rama, duhet të ikë me çdo kusht infrastruktura kriminale dhe të zhvillohen zgjedhjet në qoftë se shqiptarët duan të votojnë lirisht”, shtoi.
