Vdes i moshuari ne sanatorium, te afermit fajesojne mjeket

Një i moshuar ka ndërruar jetë ditën e djeshme në spitalin “Shefqet Ndroqi”, ndërsa familjarët akuzojnë mjekët për mjekim të gabuar.

Viktima është R.K, 63 vjeç, banues në Tiranë, ndërsa ishte i shtruar te Sanatoriumi prej disa ditësh.

Pas kallëzimit të familjarëve të viktimës pritet ekspertiza mjeko-ligjore, për të përcaktuar shkakun e vdekjes.

Materialet u referuan në Prokurorinë e Tiranës, ndërsa ka nisur hetimi për rastin.