Pavarësisht deklarimeve të uniformave blu shqiptare, “bisnesi” drejt Italisë po vazhdon pa ndërprerje. Lajmet më të fundit nga vedni përtej Adriatikut flasin për një tjetër aksion. Policia italiane ka vënë në pranga mëngjesin e sotëm gjashtë persona. Ata akuzohen për trafik të lëndëve narkotike gjatë verës nga brigjet shqiptare në Salento. Sipas mediave italiane lënda narkotike, kanabis 250 kg dhe kokainë 500 gr, u trafikua me gomone në korrik të këtij viti nga Shqipëria. Kanabisi ishte fshehur në brendësi të tubave të gomones, ndërsa ishte e parfumosur me aromë për t’i shpëtuar nuhatjes së qenve antidrogë.
Në muajt fundit janë bllokuar disa gomone me kanabis në Itali, që vinin nga Shqipëria, ndërsa sipas italianëve nga fillimi i vitit 2018 janë arrestuar mbi 40 trafikantë dhe janë sekuestruar më shumë se 16 ton kanabis në 18 gomone.
