Vatër zjarri në afërsi të Bajzës, tymi del në rrugën nacionale, përplasen dy makina që kalonin në atë aks

Një vatër zjarri është shfaqur pasditen e sotme në fshatin Pjetroshan, në afërsi të Bajzës në NJA Kastrat të Malësisë së Madhe.

Si pasojë e zjarrit, tymi ka mbuluar edhe rrugën nacionale drejt Hanit të Hotit, duke sjellë një shikueshmëri të ulët për shoferët.

Mësohet se 2 automjete janë përplasur me njera-tjetrën, ndërkohë në vendin e ngjarjes kanë mbërritur policia, zjarrfikëse dhe ambulanca.

Nuk raportohet për dëme njerëzore por vetëm dëme të vogla materiale.