Universiteti i Shkodres ofron mundesi reale per shkollimin e shqiptareve nga Mali i Zi

Universiteti i Shkodres shihet si nje mundesi e mire per shkollimin e te rinjve shqiptare nga Mali i Zi. Meqenese republika fqinje e Malit te Zi nuk ka nje universitet per kete kategori, Ministria e Pakicave atje e ka vene theksin tek Shkodra, fale edhe afersise gjeografike. Ka qene kjo tema kryesore e takimit te zhvillur ne Rektoratin e Universitetit “Luigj Gurakuqi” ne Shkoder ne mes rektorit Adem Bekteshi dhe Zevendesministrit te Ministrise se Pakicave ne Malin e Zi Leon Gjoka dhe zevendesministrin e Arsimit Marash Dukaj. Bashkebiseduesit kane folur per intensifikimin e bashkepunimit, ndersa pala malazeze ka nenvizuar shtimin nga viti ne vit te kuotave per shqiptaret e Malit te Zi, ndryshe nga sa ka vepruar Kosova dhe Maqedonia. Bekteshi ka siguruar per gatishmerine e plotesimit te nevojave qe kane shqiptaret ne Malin e Zi dhe do ti marrim parasysh jo vetem ne nivelin Bachelor por edhe Master. Edhe bashkepunimi i metejshem ne mes Universitetit “Luigj Gurakuqi” dhe atij ne Podgorice, eshte pare si nje ure qe mund te sherbeje ne realizimin e objektivave te perbashketa sic mund te jene punimet e studimet shkencore, ekspeditat sipas fakulteteve etj. Edhe Liqeni i Shkodres, eshte pare si nje mundesi e mire ne mes ty institucioneve, ne kuader te mjedisit te perbashket. Ne kete drejtim, palet kane rene dakort ne nxisin qeverite respektive per akordim fondesh. /ShkodraWeb/