Në Universitetin e Shkodrës “Luigj Gurakuqi”, u zhvillua takimi akademik ndërkombëtar mbi përballja me sfidat globale të edukimit për mjedisin dhe paqen nëpërmjet bashkëpunimit ndërfetar. Ky takim u zhvillua në kuadër të programit Erasmus+ me titull “Përballja me Sfidat Globale: Edukimi për Mjedisin dhe Paqen nëpërmjet Bashkëpunimit Ndërfetar në Trajnimin e Mësuesve të Fesë”. Aktiviteti bashkoi studiues, pedagogë nga vende të ndryshme, me qëllim forcimin e bashkëpunimit akademik dhe rritjen e ndërgjegjësimit për çështjet mjedisore dhe të paqes nëpërmjet edukimit dhe arsimit.
Fillimisht, delegacioni u prit nga rektori i Universitetit “Luigj Gurakuqi”, Prof. Dr. Tonin Gjuraj dhe më pas në sallën e Senatit të universitetit u zhvillua një panel nga lektori Dr. Ervis Krymbi me temë: “Burimet ujore të Rajonit të Shkodrës dhe sfidat përballë ndryshimeve klimatike dhe rreziqeve natyrore”, moderuar nga Dr. Skender Bruçaj. Gjatë punimeve, nga ekipi gjerman, UNISHK u ftua t’i bashkohet konsorciumit te tyre si anëtar i asociuar në këtë projekt.
Ky projekt vjen si një partneritet midis 5 universiteteve nga vende të ndryshme të botës, mbështetur nga Bashkimi Evropian: Kolegji Universitar Bedër, Shqipëri; Universitat Internacional de Catalunya (UIC Barcelona) (Universiteti Ndërkombëtar i Katalonjës – UIC Barcelona, Spanjë); Universität Augsburg (Universiteti i Augsburgut, Gjermani); International Islamic University Malaysia (IIUM) (Universiteti Ndërkombëtar Islam i Malajzisë, Malajzi); KPH Wien/Krems – Kirchliche Pädagogische Hochschule Wien (Kolegji Pedagogjik i Kishës Vjenë, Austri.
