Fitorja e medaljes së arit në garën 3000 m me pengesa të Luiza Gegës u shoqërua edhe me reagimin e menjëhershëm të politikës dhe vetë kryesisht i kryeministrit Edi Rama. Arritjen historike të Luiza Gegës, e ka uruar edhe bilardisti nga Laçi, Eklent Kaçi. Ky i fundit është shpallur kampion bote dhe Europe, ndërsa edhe aktualisht përfaqëson flamurin në nivelet më të larta.
Kaçi në rrjetet sociale ka uruar Gegën për arritjen, por duket i indinjuar se përse për të nuk kujtohet njeri, duke kërkuar të njëjtën vëmendje nga kryeministri dhe ata që rrinë rrotull tij. Ai shkruan konkretisht:
“Shumë urime Luiza Gega kampione Europe. Unë kampion Bote, kampion Europe duke përfaqësuar Shqipërinë me shpenzime personale. Edi Rama, po unë nuk meritoj respekt? Apo bilardo.”
Eklent Kaçi ka lindur në Laç, Kurbin, më 29 janar 1999. Ai eshte kampion bote në bilardo “US Open 8-Ball”. E ka nisur sportin e bilardos në moshën 8-vjeçare.
Në moshën 11-vjeçare ka marrë pjesë për herë të parë në kampionatin kombëtar për të rinj dhe fitoi, duke u shpallur kampion i Shqipërisë për moshat U18 e per te vijuar me pas me shpalljen kampion bote dhe europe.