Një shumë totale prej 550 milionë euro do të jetë në dispozicion nga UEFA për të gjithë klubet pjesëmarrëse. Ajo çka bie në sy, dhe çka është me interes për klubet e vendit tonë, është se të ardhurat për turet eliminatore janë rritur.
Përkatësisht me nga 5 deri në 10 mijë euro më shumë. Ekipi që shkon në grupet e Europa Ligë do të përfitojë shpërblim 2.92 milionë euro, përveç bonusit për çdo fitore që është 570 mijë euro. Fitimi i grupit vlerësohet me 1 milionë euro të tjera, ndërsa e dyta, gjysmën e kësaj shumë.
Ekipet shqiptare do të jenë me fat pasi Prishtina për shembull, që e nis nga turi paraeleminator do të fitojë 220 mijë euro, 5 më shumë seç ka qenë. Skuadrat e tjera shqiptare e nisin nga turi i parë eleminator dhe përfitojnë 240 mijë euro, pra 10 më shumë se 1 vit më parë. Nëse një ekip i Superiores arrin të shkojë deri në grupe nga eleminatoret, atehër në total do të grumbullojë 3.7 milionë euro. Ja tabela e plotë sqaruese:
Turet kualifikuese
Turi paraeliminator 220.000 euro
Turi i parë kualifikues 240.000 euro
Turi i dytë kualifikues 260.000 euro
Turi i tretë kualifikues 280.000 euro
Faza play-off 300.000 euro
(Skuadrat që e kalojnë edhe fazën play off nuk e përfitojnë shumën 300 000 euro, pasi marrin shpërblim për pjesëmarrjen në fazën e grupeve, 2.92 milionë euro)
Faza e grupeve deri në finale
Pjesëmarrja në grupe 2.92 milionë euro
Kualifikimi në fazën e 1/32 1 milion e para dhe 500.000 euro e dyta e grupit
Kualifikimi në fazën e 1/16 1.1 milionë euro
Kualifikimi në çerekfinale 1.5 milionë euro
Kualifikimi në gjysmëfinale 2.4 milionë euro
Kualifikimi në finale 4.5 milionë euro
Fituesi i Europa League 4 milionë euro