Të jesh demokrat nuk do të thotë të jesh pasardhës i Mehmet Shehut, Beqir Ballukut, Hysni Kapos e të tjerëve me radhë, që në dështimet e tyre gjenin armikun brenda vetes. Luftova kundër modelit të Bashës, i cili kishte promovuar inatçorët dhe humbësit serial (në Shkoder e dijnë vetë kush janë).
Dje në Shkodër erdhi “i fundit i të burgosurve politikë” anëtari i kryesisë dhe unë si nënkryetar me votë e personi që nuk e çoi në përplasje partinë kur dola në balotazh por u tërhoqa me bindje se kjo ishte më e rëndësishme se beteja personale, nuk kam as dijeni shkresore as dijeni verbale të një përjashtimi të të sipërpërmendurit. Mbrëmë isha i ulur pranë dajës tim Muharrem Shkjaut, Rremës të rritur si armik i klasës dhe që kryetarët e mëparshëm të bashkisë i kanë bërë temena për ta pasë në krah. Rremës që nga kryetari aktual iu prish pasuria si mua dhe vëllait tim sepse mbi faqatë varej posteri i Bardh Spahisë e këtë e di edhe Gazi i Syrit (e njeh mirë ai).
Ishim aty te Partia Demokratike sepse aty kemi qenë gjithmonë edhe kur nuk dinim a ktheheshim më në shtëpi. Inatçorët dhe përfituesit sot si dhe sponsorët e humbjeve lëshohen si hiena kundra nesh por nuk e kanë për gjë që avokatit të popullit ti çojnë mesazhe natën “urime vëlla”. Partia Demokratike sot ka dy armiq, Edi Ramën dhe rriçnat pseudo demokratët. Unë jam dhe mbes demokrat. /Nga Arben LUSHAJ, nënkryetar i PD Shkodër, publikuar në Facebook/
