NEWS I ShkodraWeb.com

ShkodraWeb Media – E Verteta të bën të lirë!

Turi i dytë i presidencialeve, shqiptarët rol vendimtar me votën e tyre…

Në Maqedoninë e Veriut zhvillohen sot raundi i dytë i zgjedhjeve presidenciale. Në raundin e parë të zgjedhjeve, asnjë nga tre kandidatët nuk mori shumicën e votave mbi 50%.

Në garë aktualisht janë kandidatët Gordana Siljanovska-Davkova nga VRMO DPMNE dhe Stevo Pendarovski nga LSD-më.


Në raundin e parë merrte pjesë edhe kandidati shqiptar Blerim Reka, i cili mori vetëm 79921 apo 10.58% të votave. Në raundin e sotëm, vendimtare është vota e shqiptarëve.

Shtetasit e Maqedonisë zgjedhin sot presidentin e pestë të vendit.

Më herët, ky shtet ka pasur këta presidentë: Gjorg Ivanov me dy mandate (2009-2019), Branko Cërvenkovski (2004-2009), Boris Trajkovski (1998-2003, ndërroi jetë si president) dhe Kiro Gligorov (1992-1998 – i mbijetoi atentatit).

Copyright © ShkodraWeb Media ׀׀ Të gjitha materialet tona mund të përdoren lirisht nga mediat e tjera por duke përmendur burimin se nga është marrë informacioni.
Për t’u abonuar në kanalin tone në YouTube ShkodraWeb TV mjafton të klikoni: SUBSCRIBE dhe do të informoheni me lajme me video por dhe argëtoheni pa fund me humor të zgjedhur! Për të marrë njoftime për video të reja, ABONOHU tani!