Udhëheqësi Suprem i Iranit, Ajatollah Ali Khamenei, u vra në sulmin ajror izraelit në Teheran, dhe trupi i tij u gjet nën rrënoja, u njoftuan zyrtarë të lartë izraelitë të shtunën në mbrëmje, raporton Jerusalem Post.
Edhe Reuters, duke cituar një zyrtar të lartë izraelit, raportoi se trupi i Ajatollah Ali Khameneit është gjetur.
Axios, duke cituar një burim, thotë se ambasadori izraelit në SHBA, Yechiel Leiter, ka informuar zyrtarët amerikanë se Khamenei u vra në sulmin ndaj kompleksit të tij në Teheran.
Po ashtu edhe SHBA besojnë se AKhamenei, dhe 5 deri në 10 udhëheqës të lartë iranianë u vranë në një sulm fillestar izraelit, tha një gazetar i Fox News, duke cituar një zyrtar amerikan.
Të dhënat thuhet se iu treguan kryeministrit Benjamin Netanyahu. Më herët, në një fjalim televiziv të shtunën në mbrëmje, Netanyahu tha se kishte “indikacione në rritje” se Khamenei është vrarë, por nuk dha detaje shtesë.
Khamenei ka sunduar Republikën Islamike të Iranit që nga viti 1989, duke shërbyer më parë si president nën regjimin e Ruhollah Khomeinit nga viti 1981 deri në ngjitjen e tij në detyrën e udhëheqësit suprem.
