Do të përcillet në banesën e fundit në Bushat i riu Samir Fermaca, i cili humbi jetën në një aksident fatal në Itali me 13 qershor. Bëhet me dije se ceremonia mortore për 21-vjeçarin do të zhvillohet nesër, në orën 17:00, ndërsa pritjet e ngushëllimit nga familja do të mbahen përgjatë fundjavës.
Ndërkohë, sipas mediave italiane, ka dalë në dritë dëshmia e një kalimtari, e pabërë publike më parë, e cila mund të implikojë një shofer të dytë, që dyshohet se u largua nga vendi i ngjarjes pas aksidentit fatal të ndodhur të shtunën në mëngjes në rrugën unazore. Për këtë arsye, prokuroia mori vendimin për autopsi për 21- vjeçarin dhe pritet që rezultatet për shkaqet e vdekjes të 21- vjeçarit, të bëhen publike në vijim.
Fermaca udhëtonte me motoçikletën e kushëririt të tij 26-vjeçar. Pasi u nisën nga semafori në Campagnola, në drejtim të autostradës A4, ata u parakaluan nga një automjet tip Audi SUV, i cili, teksa po kthehej në korsinë e tij, u preu pjesërisht rrugën.
