Një aksident tragjik ka ndodhur mëngjesin e sotëm, rreth orës 05:05, në autostradën Tiranë-Durrës.
Raportohet se 28-vjeçari Gëzim Muçaj, duke drejtuar automjetin ka humbur kontrollin mbi drejtimin e tij dhe si pasojë automjeti është përplasur me trafikndarësen.
Por, pasi ka dalë dalë nga makina, së bashku me 3 pasagjerët që ndodheshin në mjet, gjatë kohës që qëndronin në rrugë, ata janë përplasur nga një automjet tjetër, që drejtohej nga shtetasi me Ismail Laçe.
Për pasojë, 28-vjeçari ka humbur jetën, ndërsa 3 pasagjerët në automjetit të tij, Eduart Ripa, Ervin Qira dhe Shkelqim Doci janë dërguar në spital për mjekim. Ndërsa shoferi i makinës tjetër Ismail Laçe është shoqëruar në Komisariat, për veprime të metejshme proceduarale.
