Partizani mundi me “poker” në shtëpinë e tyre durrësakët. “Djemtë e detit” duket se janë zhytur në krizë të thellë tashmë. Po sot, Tirana ka mundur 3- 2 Skenderbeun, duke vijuar marshimin dhe shkëputur 13 pikë nga Vllaznia, e cila në fakt ka një ndeshje për të luajtur nesër me Laçin. Kastrioti ndërkohë, ka lënë pas humbjen me kuqeblutë dhe ka mundur pastër 2- 0 Dinamon.
Kukësi me 31 pikë ka një përballje jo të lehtë me Egnatian në Rrogozhinë dhe do të kërkojë me të gjitha forcat të mbajë ritmin e kreut duke marrë 3 pikët. Vllaznia ka një ndeshje mjaft të vështirë përballë Laçit në Kurbin, edhe pse në dy ndeshjet e para shkodranët kanë fituar. Për të ndjekur objektivin, titullin kampion, kuqebluve i duhen 3 pikë.
Në këto kushte, Vllaznia duket se është “e dënuar” të fitojë me laçjanët nëse dëshiron të mbajë ritmin e kryesuesve për të ndjekur ëndërrën e titullit kampion. Është një sipërmarrje jo e lehtë por edhe jo e pamundur. Dy ndeshjet e para, në Laç dhe në Shkodër, Vllaznia ka marrë 6 pikë të plotë.
Por nga ana tjetër, Laçi ka kualitete, fakt që pranohet edhe nga shkodranët. Skuadra laçjane, me ardhjen në krye të trajnerit Josa, ka një ecuri mjaft të mirë dhe pretendime për në krye të tabelës. Me 34 pikë aktualisht, Laçi do të kërkojë të vazhdojë ndjekjen e Tiranës nga afër.
Në këto kushte, në dritën e ndeshjeve të sotme, duket se ndeshja Laçi- Vllaznia do të jetë mjaft e fortë, e luajtur dhe me të dy ekipet që do të kërkojnë fitoren. Për të arritur objektivat e sezonit.
