Janë hapur dyert e mortit në familjen Pisku. Familjarët presin të mbërrijnë në shtëpi trupat e pajetë të Edlira dhe Xhemil Piskut, nuses dhe vjehrrit që humbën jetën në aksidentin e rëndë të ndodhur ditën e sotme në zonën e Shkëmbit të Kavajës.
Edlira dhe vjehrri i saj ishin nisur drejt qytetit të Beratit, pasi nusja ishte lajmëruar nga e ëma, se gjyshja e saj ndodhej në gjendje të rëndë shëndetësore.
Bashkëshorti i Edlirës ndodhet në emigrim në Greqi dhe për këtë arsye ka qenë vjehrri ai që do të shoqëronte 34-vjeçaren për në Berat tek familjarët.
Me ta ka shkuar edhe djali 8-vjeçar i Edlirës, i cili është përplasur nga makina dhe siç raportohet, ndodhet në gjendje kritike shëndetësore në spital, pasi ka pësuar fraktura në nofull.
Ata kanë qenë duke pritur autobusin, në momentin kur janë përplasur me makinë nga një mjet tip Toyota, i cili drejtohej nga një zonjë. Paraprakisht raportohet se automjeti ishte me shpejtësi të lartë dhe shoferja ka humbur kontrollin e makinës. Ajo është shoqëruar në komisariat./joq/
