Administratori i klubit Vllaznia Suad Lici ka prezantuar paraditen e sotme para skuadres trajnerin e ri te saj, Agim Canajn nje emer ky i njohur edhe ne Shkoder ngaqe ka punuar edhe dy here te tjera me kuqeblute.
Canaj ka folur shkurt para futbollisteve dhe eshte pershendetur me secilin prej tyre, nderkohe qe me pas ka dhene edhe nje prononcim per mediat e pranishme.
“Vllaznia eshte nje perle e futbollit shqiptar dhe kurrsesi nuk mund t’i thosha “jo” ofertes se saj. Kuptohet qe e mireprita nje oferte te tille dhe jam i lumtur qe jam ne krye te kesaj skuadre serish, pavaresisht se tashme vij ne nje moment ndryshe nga dy heret e tjera qe kam qene ketu.
Une ua thashe edhe futbollisteve se duhet te vazhdojme punen qe keni bere perpara me profesor Hasanin, te cilin e vleresoj dhe respektoj ne maksimum per kontributin e dhene.
Detyra jone eshte ta çojme edhe me perpara ate, te mos kete asnje shenje nenvleresimi dhe une kerkoj angazhim maksimal te secilit prej lojtareve sepse emri i Vllaznise eshte i madh dhe duhet patjeter ta çojme aty ku i takon”.
I pyetur nese eshte ne Shkoder per nje projekt afatgjate, Canaj eshte pergjigjur shkurt: “Shpresoj”. Ai ka konfirmuar kesisoj deklaraten e klubit se marreveshja aktuale eshte deri ne fund te sezonit dhe me pas do shihet mundesia per vazhdimin e bashkepunimit edhe per sezonin e ri. /Burimi: ShkodraSport/
