Një grup artistë kanë shkuar në zyrën e ministres Mirela Kumbaro për të diskutuar për çështjen e Teatrit Kombëtar. Ndërsa të tjetër artistë janë mbledhur në godinën e Teatrit Kombëtar dhe kërkojnë që ministrja Kumbaro të shkojë atje dhe të diskutojë nga afër me ta. Aktori Artan Imami i kërkoi ministres që të jepet sa më shpejt një zgjidhje.
“Na vjen turp për kushtet ku punojmë. Ti jepet zgjidhje kësaj çështje edhe po të ndërtohet një Teatër që të mbijetojë 70 vjet sa ky”, tha Imami. E ndërsa aktori i njohur Bujar Asqeriu, nuk i ka kursyer kritikat lidhur me kushtet në të cilat ndodhet Teatri Kombëtar. Ai ka treguar se i është dashur të lajë fytyrën me ujin që vinte nga tualeti i një tualeti të një lokali aty pranë.
Asqeriu: A e dini zonja ministre, se në teatër nuk ka ujë për të lartë fytyrën? E kam larë fytyrën, por ju nuk e dini, me ujin që vinte nga tualeti i një lokali aty pranë.
Asqeriu: Jam shumë i qetë unë zonja ministre. Por a e dini ju çfarë është një artist? Ti ke pasur vëllain tënd Arben Kumbaro. Ti je motra e Benit dhe unë të dua shumë, por gjërat nuk funksionojnë kështu. Jo jo, mos më keqkupto, nuk servilosem unë. Nuk kam pse të servilosem. Por për mua Teatri është jeta, është shpirti i kombit. Unë e kam lidhur jetën me Teatrin.
Asqeriu: Teatri ka vdekur dhe këta nuk duan. Le t’i bëjmë qejfin njëri-tjetrin, le të bëjmë teatrin. Në shfaqet tona lahmei me ujë të ftohtë.
Imami-Asqeriut: Ishte një banjo e prishur, u rregullua. Tani ti ça do më?
Asqeriu-Imamit: Ti je artist, nuk duhet të merresh me banjon. E kupton ku je? Lere zotëri..
Asqeriu: Investoni zonja ministre, lëri fjalët. Nuk bëhet me pordhë por me lekë. Duhet të marrësh iniciativa dhe të mbrosh teatrin.
