Një ngjarje e rëndë ka ndodhur këtë pasdite në zonën e Mëzezit në Tiranë, ku sipas raportimeve të para mësohet se është dëmtuar nga të shtëna me pistoletë një person. I lënduar ka mbetur një 26-vjeçar, i identifikuar si Elson Murataj, i cili për fat të mirë ndodhet jashtë rrezikut për jetën.
“News 24” njofton se ngjarja ka ndodhur pak minuta më parë, ndërsa policia po punon për zbardhjen e plotë të rrethanave.
Por Murataj është një emër i njohur për policinë, pasi në vitin 2012 ai ka shtënë me pistoletë mbi shtetasin A.Harokun, ngjarje e cila kishte ndodhur padashje. Ai u arrestua një vit më vonë dhe u dënua vetëm për armë mbajtje pa leje pasi rasti u konsiderua aksidental.
Ndërkohë edhe në 2014 është arrestuar, pasi ka qenë duke drejtuar automjetin pa leje drejtimi.
