Te rinjte pastrojne bregun e Liqenit te Shkodres, organizimi permes rrjeteve sociale

Të rinj dhe të reja të shoqatave mjedisore kanë nisur mëngjesin e kësaj të hëne pastrimin e zonave problematike të Liqenit të Shkodrës. Shqetësimi për ndotjen e liqenit u ngrit fillimisht në rrjetet sociale, ndërsa këtij apeli iu përgjigjën dhjetëra të rinj, të cilët kanë zbritur në terren sot. Aksioni për pastrimin e liqenit do zgjasë deri ditën e dielë, ndërsa mësohet se do shtrihet edhe pranë brigjeve të lumenjve të cilët gjithashtu rezultojnë të ndotur.
Pavarësisht angazhimit të këtyre të rinjve, situata e ndotjes në liqenin e Shkodrës duket e vështirë të përmirësohet. Kjo për shkak se për pastrimin e tij nevojitet një angazhim institucional.
Situata bëhet edhe më shqetësuese pasi në liqen derdhen ujërat e zeza të qytetit të Shkodrës. Ka pasur një projekt nga Banka Botërore për përpunimin e ujërave të zeza në zonën e Shirokës, por ato sërish vijojnë të derdhen në liqen, duke mos i dhënë zgjidhje këtij shqetësimi.
Liqeni i Shkodrës vizitohet nga një numër i konsiderueshëm turistësh vendas dhe të huaj. /shqiptarja.com/