Të dhënat zyrtare nga AIRBNB për dhënien e shtëpive me qira ditore për turistët janë një tjetër konfirmim për rritjen e shpejtë të këtij tregu në Shkodër, duke mbërritur në mbi 3 milionë euro për vitin 2024.
Shifrat tregojnë se të ardhurat për Shkodrën janë trefishuar në dy vitet e fundit, duke lënë pas qytete si Korça dhe Berati, të cilat kishin të ardhura të ngjashme deri para pak vitesh.
Kjo rritje vjen së pari, si pasojë e investimeve private në rritje në Shkodër në këtë sektor, ndihmuar edhe nga politikat e bashkisë për përmirësimin e shërbimeve dhe pasurimin e kalendarit të eventeve, si dhe një marketing më agresiv. Me investimet në punë e sipër dhe ato që fillojnë së shpejti me mbështetje nga Qeveria Shqiptare dhe Donatorët , kemi shumë arsye për të qenë optimistë. Një pasqyrë më të plotë të këtij tregu në Shqipëri mund ta shihni në artikullin më poshtë nga revista Monitor.
