I riu Ousmane Dembele ka debutuar ditën e djeshme me Barcelonën në fitoren e këtyre të fundit në derbin përballë Espanyol me rezultatin 5-0. Dembele edhe pse u fut në 20 minutat e fundit, arriti të tregojë klasin e tij duke dhënë një asist për Suarez i cili e shndërroi në gol.
Dembele është shprehur shumë i kënaqur me performancën e tij dhe të ekipit dhe tha pas ndeshjes se realizoi një ëndërr.
“Realizova ëndrrën time. Është shumë e çuditshme të luash përkrah më të mirit të botës. Trajneri më dha kurajo duke më thënë që të rrija i qetë. Gjithashtu Suarez përpara ndeshjes më kërkoi t’i pasoja topin që ai të shënonte, dhe kështu ndodhi. Prandaj jam shumë i lumtur,” tha Dembele./balkanweb/
