Superkupa e Europes/ Publikohen formacionet, Ronaldo e nis nga stoli

Pas pak çastesh në orën 20:45 në qytetin e Shkupit, Maqedoni, do të luhet “Superkupa e Europës” mes fituesve të “Champions League”, Real Madrid, dhe fituesve të “Europa League”, Manchester United. Ky është trofeu i parë kontinental për këtë sezon dhe dy ekipet, si ai spanjoll dhe ai anglez duan t’a nisin aty ku e mbyllën, duke fituar trofe. “Galatikët” e drejtuar nga Zinedin Zidan dëshirojnë që sonte të vulosin për të katërën herë emrin e tyre në historinë e këtij trofeu, ndërsa Manchester United shpreson që “Superkupa e Europës” të bëhet e tyre për të dytën herë që prej vitit të largët 1991.
Për t’ia arritur qëllimit, Zinedin Zidan i cili është i pakufizuar nga mungesat ka vendosur të hedhë fushë këtë 11-tshe: K.Navas, Carvajal, Sergio Ramos, Varane, Kroos, Benzema, Modriç, Bale, Marcelo, Casemiro, Isco.
Bie në sy se Cristiano Ronaldo nuk do ta nis nga fillimi takimin.
Jose Mourinho – Manchester United: De Gea, Valencia, Lindelof, Smalling, Darmian, Matiç, Ander Herrera, Pogba, Nikhitaryan, Lingard, Lukaku
Në krahun e anglezëve vihet re se trajneri portugez ka zgjedhur të aktivizojë tre blerjet e reja gjatë kësaj merkatoje vere, Lindelof, Matiç dhe Romelu Lukakun.