Supersfida Vllaznia- Skenderbeu do te luhet ne tapet artificial, ne “Loro Borici” po mbillet bari

Vllaznia-Skënderbeu do të luhet në “Reshit Rusi”. Kuqeblutë do të presin kryesuesit e kampionatit ditën e diel, në orën 14:00, në këtë fushë sportive dhe jo në “Loro Boriçi” sikundër shpresonin. Lajmin e ka konfirmuar vetë klubi, por edhe sajti zyrtar i FSHFsë me anë të një njoftimi në faqen zyrtare.

Punimet që po bëhen në stadium, ndërsa prej ditësh ka nisur procesi i rimbjelljes së barit, kanë detyruar shkodranët që të zhvendosin javën e 9-të dhe të fundit për këtë fazë të parë, në fushën e tyre të dytë, e cila është e licencuar që para dy sezonesh nga Federata Shqiptare e Futbollit. Megjithatë, fakti që është një terren artificial, sigurisht që do të ndikojë te të dyja skuadrat në fushë, të cilat janë mësuar që të luajnë në fusha me bar natyral. /panoramasport/