Shifra e parë që bie në sy duke krahasuar zgjedhjet në PD të 2026- ës me ato të 2022- it, është rënia e numrit të pjesëmarrësve. Përballë Ibsen Elezit në 2026, në garën që Berisha zhvilloi me të, votuan 43680 demokratë, teksa në atë kohë, nuk kishte një numër të saktë të anëtarëve të PD- së që kishin të drejtë vote. Kujtojmë se ishte periudha e Rithemelimit dhe demokratët donin të shprehnin mbështetjen e tyre për Berishën, pasi “hoqën qafe” Lulzim Bashën.
4 vjet më pas, me 23 maj 2026, 39441 demokratë nga rreth 51 mijë, hodhën votat në garën referendare të Berishës me vetëveten apo edhe me antarësinë blu. Krahasuar me 2022, janë 4239 votues më pak në 2026.
Rënie konstatohet edhe në votat pro Berishës, edhe pse duhet thënë se në 2022 kishte rival, qoftë edhe formal ndërsa sivjet, jo. 40820 vota hodhën demokratët pro Berishës në 2022 ndërsa në 2026, vetëm 37341 ose 3479 më pak se 4 vite më parë.
Komentet apo leximin e këtyre të dhënava zyrtare krahasimore të zgjedhjeve për kryetarin e PD- së më 2022 dhe 2026, mund ti bëjë secili. /ShkodraWeb/
