Stakohet nenstacioni elektrik, shkak flaket e zjarrit, qytetet pa energji

Për shkak të rënies së zjarrit në nënstacionin e Rubikut, OSHEE njofton se ka qenë e detyruar për të stakuar energjinë deri në shuarjen e flakëve. Po ashtu, OSHEE sqaron se ky vendim është marrë për mos rrezikuar jetën e personelit të Operatorit që po punojnë për të vënë situatën nën kontroll. Ndërsa, mësohet se aktualisht janë pa energji zonat e Rubikut, Kaçinarit dhe Rrëshenit. Në vendngjarje ndodhen edhe zjarrfikësit që po punojnë për vënien nën kontroll.