Deputetja e PD-së Izmira Ulqinaku ka reaguar për lajmet e largimit të drejtorisë së arkivës nga Shkodra në drejtim të Rreshenit. Ulqinaku në Facebook i ka drejtuar disa pyetje numrit 2 të qeverisë Senida Mesi, edhe ajo deputete e Shkodrës. Ulqinaku shkruan: “Pyetje për Znj.Mesi:
Përse “thesari”, dokumentet e Arkivës së Shkodrës, duhet të përfundojnë në Kurbnesh të Mirditës, në një godinë të vjetër e të lënë në harresë?
Mos vallë ka ndonjë lidhje me shkresën e firmosur nga ju, për hapjen e Arkivave private?
Mos vallë kërkoni të lani të shkuarën e errët të Partisë që perfaqëson, duke bërë që në këtë formë të “humbasin” shkresat e firmosura të Sul Bushatit me shokë?
Pse nuk propozon rikonstruksionin e kësaj godine prej 462 m2, që është në pronësi të Drejtorisë së Arkivit Shkodër?
Vetëm një pergjigje ka, Senida Mesi kërkon të humbasë identitetin e qytetit tonë, duke u korruptuar me tenderat e Arkivave private.
Duke qenë se Drejtoria e Përgjithshme e Arkivit është në varësi direkte të Kryeministrisë, unë si Deputete e Qarkut Shkodër si dhe duke e dashur këtë qytet me vlera, kërkoj të tërhiqet menjëherë Urdhëri i dhënë dhe të mos zhvendosen dokumentet e qytetarëve për qëllime përfitimi.”
