Sportistja e Vllaznisë “rrëmben” vendin e tretë në kampionatin “President’s Cup G2” në Taekwondo…

Përfundoi me sukses kampionati “President’s Cup G2” i Taekwondo ku morën pjese 50 shtete me 1400 sportistë.

Një paraqitje e shkëlqyer dhe mjaft impresionuese për sportisten tonë të Vllaznisë dhe njëkohësisht të Kombëtares Menida Meta, e cila pas një konkurrence të fortë dhe mjaft të vështirë, Shqiperia arrin të rrembejë medalje të vendit të 3-të duke fituar 1 ndeshje kundër Gjermanisë 15-8 dhe duke u ndalur në gjysëm-finale nga sportistja Ruse.


Ky kampionat u zhvillua në qytetin e Durrësit, dhe një meritë e vecantë është për presidentin e Federatës Shqiptare të Taekwondo- së Endri Hoxha dhe zv. presidentin Leo Kapri që mundësuan përgatitjen e këtij evenimenti kaq të rëndësishëm për vendin tonë.

Ekipi i Vllaznisë u paraqit me 4 sportistet më të mira që janë potencial i së ardhmes.

Menida Meta – 33 kg, vend i 3-të kadet.
Isra Meta -46 kg junior.
Irsa Osmanagiq -55 kg junior.
Enisa Shabaj -59 kg junior.

“U zhvilluan ndeshje të forta dhe me emocione të forta, ngelemi të kënaqur me paraqitjen e këtyre vajzave që po punojnë me shumë këmbëngulje për të arritur në vendet më të larta të podiumeve.E ardhmja na pret duke na gjetur të përgatitur në arritjen e sajë!”, shkruan trajneri Elion Puka në Facebook.