Sot feston 84 vjetorin e lindjes, Akademia e Shkencave “surprizon” shkrimtarin e madh shqiptar Ismail Kadare…

Shkrimtari shqiptar me famë ndërkombëtare Ismail Kadare, feston 84 vjetorin e lindjes. Ndërkohë, Akademia e Shkencave ka mbledhur sot tryezën “Kadare dhe letrat shqipe” ku është ka ripropozuar shkrimtarin Ismail Kadare për çmimin “Nobel”. Emri i tij është ripropozuar në kuadër të 84-vjetorit të tij të lindjes.

Ditëlindja e Kadares është nuk është një datë e shënuar vetëm për lexuesit shqiptarë që krenohen me të, por edhe për lexuesit e gjuhëve të tjera në botë, pasi krijimtaria e tij është përkthyer në më shumë se 45-së gjuhë. Kadare ka qenë disa herë kandidat për çmimin “Nobel” në letërsi dhe së fundmi ka marrë dekoratën më të lartë franceze, si ‘Komandant i Legjionit të Nderit’.


Kadare (lindur në Gjirokastër, më 1936) është një ndër shkrimtarët më të mëdhenj bashkëkohorë. Si shkrimtar shquhet kryesisht për prozë, por ka botuar edhe vëllime me poezi dhe ese. Nisi të shkruajë kur ishte ende i ri, fillimisht poezi, me të cilat u bë i njohur, e më pas edhe prozë, duke u bërë prozatori kryesor shqiptar.

 ABCOM ║ VODAFONE