ShkodraWeb ka shpallur rezultatet përfundimtare të sondazheve të para për zgjedhjet e 11 maj 2025 në qarkun e Shkodrës. Për të garantuar seriozitetin por edhe vlefshmërinë e preferencave, sondazhet janë publikuar në grupin e mbyllur në Facebook ShkodraWeb.com me rreth 7 mijë anëtarë zyrtarë, me banim brenda dhe jashtë territorit të Shqipërisë.
METODOLOGJIA E SONDAZHEVE
Për preferencën për partinë politike, janë organizuar dy sondazhe, ndërsa për preferencat brenda partive politike- lista e hapur, është organizuar vetëm nga një sondazh. Në sondazhin për preferencën për kandidatin në listën e hapur të PD- AMSH, mungon vetëm kandidatja Elmira Ndervashaj (për shkak të një gabimi teknik dhe do të përfshihet në sondazhet e ardhshme). Çdo pjesëmarrës, ka patur mundësi të japë vetëm një votë, qoftë për subjektin politik, qoftë edhe për kandidatin e preferuar. Secilit, i është lënë mundësia të ndryshojë preferencën e tij, pasi e ka dhënë atë.
SONDAZHI PËR PREFERENCËN PËR PARTITË POLITIKE
Më poshtë, mund të gjeni tabelën përmbledhëse të sondazheve si dhe numrin e mandateve që mund të prodhohen nga vota e marra nga subjektet politike pjesëmarëse në zgjedhjet e 11 maj 2025. Kanë shprehur preferencat e tyre 577 persona, ndërsa votat sipas subjekteve mund ti shikoni vetë.
SONDAZHI PËR PREFERENCËN PËR KANDIDATIN E PS- SË NË LISTËN E HAPUR
Vlen të theksohet se në sondazh kanë marrë pjesë 116 persona, të cilët kanë dhënë preferencat që mund të shikoni në tabelën më poshtë. Dy kandidatë, kanë të njëjtin numër preferencash, të shkëputur nga kandidatët e tjerë në listën e hapur të PS- së.
SONDAZHI PËR PREFERENCËN PËR KANDIDATIN E PD- SË NË LISTËN E HAPUR
Interesi për të shprehur preferencën për kandidatin në listën e hapur të PD- së, ka qenë më i lartë. Kanë shprehur preferencën e tyre 298 persona, të cilët kanë përzgjedhjen e tyre. Ndërsa dy kandidatë janë “kokë më kokë”, mund të konsiderohet “surprizë” më i preferuari nga votuesit e sondazhit, Gentian Ndoj.
VIJIMËSIA E SONDAZHEVE DERI ME 11 MAJ 2025
Të gjitha të dhënat e sondazheve, do të jenë online në grupin në Facebook ShkodraWeb.com deri ditën e hënë, 7 prill 2025. Më pas do të hiqen nga “të spikatura” për të vendosur sondazhet e reja. Sondazhet e reja, me të njëjtën tematikë, do të qëndrojnë nga data 7- 14 prill dhe më pas do të publikohen. Për të votuar, fillimisht duhet të antarësoheni në grupin në Facebook ShkodraWeb.com. Rregullat e sondazheve, do të jenë të njëjta.
QËLLIMI I SONDAZHEVE
Synojmë të tregojmë perceptimin publik për subjektet politike por edhe kandidatët e listave të hapura të dy subjekteve kryesore politike në garë në qarkun e Shkodrës, PD dhe PS. Kjo, në kohë të ndryshme, para, në mes dhe afër fundit të fushatës elektorale, ku cilësia dhe sasia e informacionit për votuesit, është e ndryshme. /ShkodraWeb/
