
Nëntë pako me kanabis të cilat ishin të lidhura në një dron, janë kapur mbrëmjen e sotme nga policia e Malit të Zi në kufirin shqiptar.
Sipas mediave malazeze, droni është pikasur mbi ujërat e liqenit të Shkodrës, duke lëvizur nga zona e Bajzës në drejtim të rajonit të Kodrës.
“Në koordinim me Prokurorinë e Lartë të Shtetit në Podgoricë, policia po ndërmerr masa dhe veprime të mëtutjeshme në kompetencë të saj për identifikimin e personave që kanë kryer veprën penale”, thuhet në komunikatë.
Deri më tani nuk ka ende informacion mbi itinerarin që ka përshkruar droni. Policia po vijon hetimet mbi këtë rast.
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!