Drejtoresha e Institutit për Demokraci, Media dhe Kulture, Jonila Godole ka kërkuar që pushteti lokal më bashkëpunim me komunitetin të vendos pllaka përkujtimore për shtëpitë e personave që janë përndjekur, burgosur apo internuar nga regjimi komunist.
Godole thekson se shtresa e ish-të përndjekurve duhet të ketë të njëjtin trajtim që bëhët për shtëpitë e partizanëve.
Sipas drejtoreshës së IDMC, kjo është më e pakta që shoqëria mund të bëj për ish-të përndjekurit.
“Një nga propozimet e mia konkrete mbi mënyrën si duhet te sillet shoqëria me ish-të përndjekurit është ky: Çdo komunitet në bashkëpunim me pushtetin lokal duhet të shënjoje me pllaka përkujtimore çdo shtëpi dhe banese ku kanë jetuar persona që janë përndjekur, burgosur, internuar, apo zhdukur gjatë regjimit komunist!
Nuk mund të pranohet që vetëm shtëpitë e partizanëve të mbajnë pllaka të tilla edhe sot e kësaj dite, dhe te mos nderojmë ata persona, familje dhe individë që këta partizane apo shokët e tyre u shkatërruan jetën pa te drejte.
Kjo është më e pakta që mund te bëjmë si shoqëri për t’u rikthyer sadopak dinjitetin këtyre njerëzve”, thekson Godole.
