Një shqiptar ka rënë në prangat e Policisë Italiane, pasi bashkë me vëllain e tij kanë grabitur dhjetra banesa në qytetin e Parmës. Eduart Nezha është pikasur nga Policia Italiane, të cilët kanë shkuar për ta arrestuar në banesën ku jetonte bashkë me vëllain.
Por Eduart Nezha për t’i shpëtuar arrestimit ka rrezikuar dhe jetën e tij. Ai ka tentuar të zbresë nga kati i katërt i pallatit, duke u mbajtur tek tubat e ujit të shiut. Kur ka zbritur një kat, Eduart Nezha është rrëzuar dhe ka pësuar thyrje të shumta në trup.
Vëllai i tij 22-vjeç ka arritur t’ia mbathë, ndërsa Eduart Nezha ndodhet në spital. Policia ka kontrolluar banesën e dajës së dy vëllezërve ku ka gjetur ora, celularë, flori dhe shumë aksesorë të tjerë që dyshohet se janë vjedhur në disa vila në qytetin e Parmës.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
