Vazhdojnë në Shkodër kërcënimet me jetë të trajnerëve të futbollit. Rasti më i fundit i përket trajnerit të KF Shkodra, Rudi Piraniqi. ShkodaWeb ka siguruar edhe relacionin e zyrtarëve të ndeshjes finale për moshat 11- vjeç KF Shkodra- Atlatik, ku pranohet kërcënimi me jetë i trajnerit Piraniqi. Ndërkohë, i kontaktuar nga ShkodraWeb trajneri i KF Shkodra shprehet: “Sot ishte ndeshja finale mes 11- vjecarëve. Një situatë e veshtirë me stres dhe kërcënime. Gjynah se qysh në këto mosha me u kriju ky stres dhe kampionatizëm”, ka thënë trajneri Piraniqi.
“Në minutën e 4-ërt të pjesë së dytë u ndëpre ndeshja pasi një prind i klubit Atletik ofendoi kërcënoi me jetë trainerin e Shkodrës. Duke qënë në atë situatë nuk pranoi më që të vazhdonte ndeshjen. Bashkangjitur me këtë protokoll është dhe relacioni i trainerit të Shkodrës.” thuhet në relacionin e zyrtarëve të ndeshjes.
Ndërkohë, ky nuk është vetëm një rast i izoluar. Dhuna në futboll dhe jo vetëm atë të të rriturve, është i përhapur. Para rreth dy javëve, qarkulloi një lajm i pakonfirmuar për probleme dhune edhe tek Vllaznia U-15 por që u la në heshtje. Më herët, akte të ngjashme dhe kërcënime pati edhe për trajnerin e Vllaznisë së rritur Ernest Gjoka. E habitshme është heshtja e FSHF-së, e cila duhet të marrë të gjitha masat për frenimin e këtyre fenomeneve.
Akti i sotëm vjen kundër një trajneri model si Rudi Piraniqi, trashëgimtar i denjë i babait Taip Piraniqi. Por edh si Klub, KF Shkodra është një djep i mirëfilltë i talenteve me emra të kalibrit Hysaj, Vajushi, Hebaj etj. Futbolli është një lojë ku duhet të fitojë më i miri, por mbi të gjitha duhet të ngjallë miqësi e harmoni në mes njerëzve, sidomos kur janë mosha të reja. ©ShkodraWeb
