Kryeministri Edi Rama ka reaguar në “Twitter” pas publikimit të raportit për lirinë e medias në vend nga organizata botërore “Reporterët pa kufij”. Nga kjo renditje shihet se Shqipëria në vitin 2014, kur PS mori pushtetin ishte në vendin e 85-të, ndërsa në 2018 megjithëse ka rënie është në vendin e 82-të. Rama iu përgjigjet dhe gjithë kritikëve dhe atyre që bëjnë moral, duke i quajtur ‘virgjëresha’ duke i akuzuar se rrihnin e lëndonin gazetarë. Më poshtë, postimi i plotë i kryeministrit Rama.
“Një pasqyrë kujtese “virgjëreshave” që vrisnin qytetarë, rrihnin e plagosnin gazetarë dhe sot bëjnë moral! Ka ende shumë për të bërë për lirinë e medias dhe ndarjen e lumit të informacionit nga llumi i kazanit po ashtu. Por me këtë qeveri s’ka media të shantazhuar e liri të mohuar!”, shkruan Rama teksa publikon edhe një renditje të Shqipërisë për lirinë e medias nga viti 2014 deri në vitin 2018.
