Këtë të enjtë në çdo shkollë të qarkut Shkodër, mësuesit do të braktisin orën e parë të mësimit në kuadër të një greve 1-orëshe. Kjo u lajmërua nga Sindikata e Pavarur e Arsimit në Shkodër në një dalje publike për mediat, duke njoftuar se ka nisur përgatitjet për këtë protestë që nga vitit i shkuar.
Kryetari Arian Peraj tha se rreth 80% e mësuesve kanë firmosur për të marrë pjesë në këtë grevë paralajmëruese, ndërsa u bëri thirrje drejtorëve të mos shantazhojnë mësuesit me vendin e punës.
Greva 1- orëshe vjen pas mungesës së shperblimeve të fundvitit si dhe heqjes së orëve shtesë për disa kategori mësuesish. Sipas Sindikatës së Pavarur të Arsimit, ky është fillimi i grevës e cila me pas do të përshkallëzohet.