Nëse Britania do të ishte ende pjesë e Bashkimit Evropian, gjasat do të ishin që në qershorin e shumëpritur Shqipëria të mbetej me “gisht” në gojë nga verdikti i qeverisë angleze.
Të paktën kjo përshtypje mbetet, kur shikon se në njërën nga mediat më në zë, po shkruhet shpesh e më shumë për krimin e organizuar shqiptar, drogën dhe trafiqet e ndryshme që kryejnë shqiptarët në këtë shtet të Evropës.Daily Mail ka shkruar sërish për trafikantët shqiptarë, vetëm se kësaj here i është referuar një fenomeni që nuk është aq i hapur sa ai i trafikut të kokainës dhe multimilionëreve shqiptarë që bëjnë foto nëpër burgje e tregojnë tufat e parave nëpër makina luksoze.
Kësaj here Daily Mail theksin e ka vënë tek një lloj krimi “më të fshehur” atë të salloneve ku vajzat e gratë shkojnë për të rregulluar thonjtë. Në artikull thuhet se shumë banda shqiptare po punojnë përmes këtyre salloneve për të pastruar paratë e drogës e prostitucionit, madje edhe duke fshehur viktimat e trafikut në këto pika./gazetaexpress/
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
