“Mund të shkojmë në zero vonesa dhe zero ryshfete, duke bërë të qartë që cdo punonjës në detyrë është i vëzhguar nga cdo qytetar që ka lidhje me detyrën në funksion të zgjidhjes së problemit”.
Me kete paralajmerim ne drejtim te administrates, kryeministri Rama ka bere apelin e radhes per gjithe qytetaret qe te zgjidhin problemet, duke shpenzuar vetem 3 minuta per te postuar problemin ne platformen Bashkëqeverisjes shqiperiaqeduam.al.
“10.000 adresime të qytetarëve në Platformën e Bashkëqeverisjes shqiperiaqeduam.al, një mekanizëm bashkëveprimi mes qeverisë dhe njerëzve të zakonshëm për të kapërcyer pengesat administrative në zgjidhjen e halleve individuale e të problemeve të komunitetit, luftuar së bashku vonesat e pajustifikuara dhe kulturën e vjetër të rryshfetit në zyrat e shërbimeve për qytetarët? sa me shume t’a perdorim Platformen e Bashkeqeverisjes aq me shpejt do te kemi sherbimet qe njerezit meritojne ne zyrat e shtetit”- ka theksuar Rama.
Rama pranoi se ka ende shumë mosbesim, por ky mur duhet të rrëzohet.
“Kemi mur mosbesimi për administratën, transparencën e shërbimeve, por jam 100% i bindur se sa më shumë qytetarë të angazhohen duke shpenzuar 3 minuta për të ngritur zërin e tyre direkt te anëtari përkatës i qeverisë, aq më shpejt do të kemi një administratë efikase. Me platformën çdokush ka mik direkt qeverinë, dhe vë përballë ligjit këdo që është bërë shkak për vonesën, zvarritjen dhe mostrajtimin e hallit, pasi e dini shumë mirë që qëllimi i platformës është i dyfishtë që jo vetëm të zgjidhin problemet, por edhe të identifikojmë bartësit e zakoneve të këqija të administratës. Mund të shkojmë në zero vonesa dhe zero ryshfete, duke bërë të qartë që cdo punonjës në detyrë është i vëzhguar nga cdo qytetar që ka lidhje me detyrën në funksion të zgjidhjes së problemit”-tha Rama.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
