“Shuhet” totalisht Gjykat Kushtetuese, shkarkohet nga KPK-ja edhe një tjetër gjykatës, shkodrani Hoxha

Komisioni i Pavarur i Kualifikimit vendosi sot te shkarkoje nga detyra gjyqtarin e Kushtetueses, Fatmir Hoxha.

Fatmir Hoxha, anëtar i Gjykatës Kushtetuese prej vitit 2011 u përball në seancë dëgjimore me Komisionin e Pavarur të Kualifikimit. Hoxha ishte gjyqtari i pestë i Kushtetueses që përfshihet në procesin e vetingut, pas Besnik Ymerajt, Fatos Lulos, Vitore Tushës dhe Altina Xhoxhajt.

Seanca e sotme nisi me nje apel te kryesueses se seances per mediat dhe te pranishmit e tjere ne salle, per te zbatuar me rigorozitet rregullat e mbledhjes. Gjyqtari ne seance eshte perfaqesuar nga avokati Julian Mertiti.

Gjatë shqyrtimit të pasurisë së gjyqtarit, Komisioni i Posaçëm i Kualifikimit vuri theksin se një pasuri 112 m2 në Tiranë, e cila është blerë në shumën 145 mijë euro.

Sipas këtij komisioni blerja e apartamentit nuk justifikohet, pasi për të është deklaruar marrja e një kredie si i pastrehë në vlerën 5 milionë lekë dhe mungon justifikimi i pjesës së tjetër të shumës.

Por sipas avokatit te gjyqtarit Hoxha, klienti i tij ka marre borxh 28 mije euro nga kunati i tij per blerjen e ketij apartamenti. Kete shume, avokati thote se gjyqtari e ka deklaruar ne formularin e tij te pervitshem te pasurise.

Avokati theksoi gjithashtu se gjyqtari Hoxha ka jetuar ne apartamentin e blere edhe pse nuk kishte shlyer as 1/3 e vleres. “Kjo nuk eshte shkelje ligjore, por marreveshje mes gjyqtarit dhe firmes ndërtuese”, tha mbrojtësi i gjyqtarit të Kushtetueses.

Nje tjeter problematike e konstatuar ka qene pasuria e deklaruar ne vitin 2004, qe sipas KPK-se eshte me e madhe se te ardhurat e tij vjetore.

Avokati i gjyqtarit tha se shtesa ne pasuri ka ardhur prej parave qe i kane hedhur ne dasem. Per kete gjate hetimit administrativ, gjyqtari ka vene ne dispozicion te trupes gjyqesore edhe videot e dasmave, por qe kjo prove nuk eshte pranuar nga KPK-ja.

Ne fund komisioni vendosi qe te shpalle vendimin, duke shkarkuar Fatmir Hoxhën nga posti i gjyqtarit kusshtetues.