Shpërthen Andi Bushati: Ja si ja hedh kockat Rama pronarëve të mediave

Analisti Andi Bushati, ka folur në emisionin “Të Paekspozuarit” në News 24 për mardhënien e pronarëve të mediave me kryeministrin Rama. Sipas Bushatit, Rama i etiketon pronarët e mediave sipas interesti dhe leverdisë së tij. Bushati e nisi me një shembull nga etiketimi që Rama i ka bërë atij si kazan.

“Kur isha kritik i Berishës, Rama më lavdëronte te libri Kurban, sot që jam kritik i tij, më thotë kazan”.

Bushati tha se Rama gjatë pushtetit të djeshëm të Berishës, e konsideronte TV Klanin një monstër dhe përdorte shpesh frazën “të fala Sandrit”, ndërsa sot kullat që po shpërndan flasin për një tjetër mardhënie të tijën me pronarin e këtij televizioni.

Në një tjetër shembull, Bushati tha se “Top Channel”, një televizion që njihet për afrimitetin me Ramën, ka disa ditë që po e sulmon kryeministrin dhe kjo ka sjellë reagimin e Ramës.

“Për të kuptuar çfarë qëndrimesh ka Rama për etiketimet, mjafton të kuptosh cfarë i leverdis. Topi ka katër ditë që sulmon Ramën. Ajo zonja që e ka marrë në pronësi, mendon që këta të tjerët po marrin paketën një miliardë dollarë, ndërsa mua më lanë ca kioska”,- u shpreh Bushati.

Sipas tij, Rama shpërndan kullat për pronarët dhe kur ata nuk kënaqen fillojnë sulmin.

“Kur një nga qentë nuk kënaqet me kockën, fillon dhe leh.”