Shkon te konvertoje euro, i grabisin ne mes te qytetit 15 mije euro emigrantit

Një emigrant i sapo kthyer nga Greqia është grabitur mesditën e sotme në qendër të Korçës. Ngjarja ka ndodhur tek pazari i Korçës, teksa emigranti nga Erseka, identiteti i të cilit nuk bëhet i ditur kishte shkuar në një pjesë këmbimi valutor për të konvertuar paratë nga euro në lek, por është grabitur nga persona ende të paidentifikuar. Grabitësit i kanë marrë çantën ku kishte paratë dhe janë larguar me shpejtësi në drejtim të paditur. Burime pranë policisë thonë për ‘BalkanWeb’ se emigranti ka deklaruar se shuma e grabitur është 15 mije euro. Policia po punon për identifikimin e autorit. /balkanweb/