Pashë këtë foton me dy kandidatët për Bashkinë Shkodër, z.Beci për PS dhe z.Spahia për PD! Nuk po merrem me ngjyrën gri me të cilën është simbolizuar Shkodra nën drejtimin e z.Spahia për 4 vitet e ardhshme meqë dihet përkatësia ime politike…Dua të argumentoj pak si ‘elektorat gri” kësaj here:
– Çfarë investimesh bëri qeverisja e majtë në këto 10 vite? Teatrin?…Ju këshilloj të shkoni të shihni me sytë Tuaj katin e poshtëm të teatrit, dmth dhomat…të gjitha me myk dhe me lagështirë…investim fasadë!
Qëndrën e Shirokës? Pse vetëm aq meriton vija liqenore? Ku është premtimi për vazhdimin e investimit? Ku janë punimet për zgjerimin e rrugës së Zogajve? Premtim I pambajtur…
Stadiumi? Për të s’po komentoj fare se më vjen me qesh me vedi sepse I kam 2 lek mend sa mos me më hedhë pluhun sysh një investim I tillë sa me mbyll ‘gojët e liga’!
Ku është rruga e Komanit që z.Beci e pati premtimin e Tij kryesor gjatë fushatës elektorale në zgjedhjet qëndrore ku kandidonte për deputet I Qarkut Shkodër?
Ku ishte z.Beci gjithë këtë kohë, sa herë erdhi në Shkodër të takohej me votuesit e Tij?
Ku ishte z.Beci kur Shkodra përmbytej, sa herë erdhi të vizitonte banorët e përmbytur? Çfarë ndihme u solli atyre? Sa herë e ngriti zërin në parlament për ata banorë, për shpalljen e gjëndjes së emergjencës? Ku ishte dhe është z.Beci që nuk kërkonte e as nuk kērkon dëmshpërblimin e banorëve?
Ku është zëri i z.Beci në parlament për Shkodrën, ku janë investimet për Shkodrën? A duhet këta banorë të bashkisë Shkodër që z.Beci pretendon t’u marrë votat, ta dëgjojnë një herë të vetme t’i kërkojë llogari qeverisë së Tij për neglizhencën dhe braktisjen që I ka bërë Shkodrës gjatë këtyre viteve të qeverisjes së Saj?
Ku ka më gri se kaq o ‘ideatori’ i këtij posteri?
Çfarë ngjyrash mund të sjellë z.Beci për Shkodrën kur nuk e ka ngritur njëherë zërin për problematikat e këtij qyteti?
Shkodrës nuk mund t’ia hedhësh me një poster sepse Shkodra ka treguar gjithmonë se nuk ‘rrehet’ me fasada, me postera shumëngjyrëshe e as me foto elektorale! Shkodra don me e dashtë dhe kjo qeveri ka treguar se vetëm dashni pēr të nuk ka!
Kam frikë se edhe këtë herë ka ‘me ta marrë në kthesë’ kundra-kandidati yt, gjithsesi përpjekjen bëje që të justifikosh besimin që të ka dhënë shefi yt! /Nga Eliona KODRA SHKRELI, publikuar në Facebook/