Sulmuesi i Kukësit, Sindrit Guri, u shpall lojtari më i mirë i ndeshjes me Partizanin, edhe pas 3 golave të shënuar ndaj demave. Ai u shpreh se kjo ishte ndeshja e duhur ku i shënoi këto tre gola.
Ndeshja më e mirë në karrierë..
E vërtetë, mendoj se kjo ndeshje më erdhi në kohën e duhur. Këto gola ishin një shkëndijë të vazhdoj me këto ritme, e të shënoj sa më tepër.
15 gola në kampionat, produkt i yni në Superiore. 2 miqësore me Shqipërinë në qershor. E keni menduar?
E kam thënë gjithmonë, është ëndërr të përfaqësoj Kombëtaren. Nuk jam mërzitur pse nuk më ka thirrur më parë, i respektoj golat e tij. Jam i gëzuar për 3 golat sot, dua edhe në ndeshjet e tjera. Në mos 3, të paktën nga një për ndeshje, që kur të jem te Kombëtarja të jem në 100%.
Topi me firmat e lojtarëve, sikur ishte ndeshja e fundit dhe do largoheni nga Shqipëria..
Do flas me drejtuesit, sepse jam ende në kontratë, dhe të dalim të gjithë të fituar. Edhe presidenti investon, dhe edhe ai mund të përfitojë nga shitja ime.
Topin e mori arbitri në fillim, dhe më tha hajde ta marrësh. Kur mora kartonin, e dija që do më kritikonte Hafizin.
Kemi në panel ndihmësin e Panuçit, Bulkun, që do ja transmetojë 3 golat. Të preku Hoxha? Çfarë të tha trajneri pas ndeshjes?
Me Hoxhën ishte një kontakt i lehtë, isha me shpejtësi, dhe nuk kisha mënyrë tjetër çfarë të bëja. Mendoj se ishte penallti, sepse nëse nuk do e ngrija këmbën, do e thyeja këmbën. Trajneri më tha se kisha mundësi të shënoja më tepër, por do i ruaj për ndeshjet e tjera.
