NEWS I ShkodraWeb.com

ShkodraWeb Media – E Verteta të bën të lirë!

Shkëmbimi i territoreve midis Kosovës dhe Serbisë, DASH reagon zyrtarisht mbi idenë…

Departamenti amerikan i Shtetit sqaron se nuk ka asnjë plan të fshehtë për shkëmbim territoresh midis Kosovës dhe Serbisë, duke i konsideruar spekulime.


“Ne duam të sqarojmë se nuk ka asnjë plan të fshehtë për shkëmbime territori ndërmjet Kosovës dhe Serbisë, siç kanë spekuluar disa. I dërguari i posaçëm i Presidentit Trump, Richard Grenell nuk e ka parë dhe as diskutuar kurrë një plan të tillë”, thuhet në një deklaratë të DASH, lëshuar ditën e ditën e sotme (26 mars).

Deklarata thekson më tej qeveria amerikane është e përqëndruar në marrëveshjet e fundit për të rivenduar lidhjet ajrore, hekurudhore dhe rrugore midis Kosovës dhe Serbisë që synojnë të përmirësojnë ekonominë.

loading...

“Ne besojmë se ky vrull do t’i japë energji të re procesit të dialogut që do të çonte në njohje të ndërsjellë”, thuhet më tej.

Më tej, deklarata thekson se nxisin liderët e Kosovës që të heqin plotësisht tarifat.

“Për më tepër, ne vazhdojmë t’i nxisim liderët e Kosovës që të heqin plotësisht tarifat. Ne besojmë se tarifat po dëmtojnë popullin e Kosovës duke penguar bashkëpunimin rajonal përfshirë edhe për CO VID-19 – edhe duke vonuar hyrjen në Kosovë të furnizimeve të nevojshme – si dhe duke penguar rritjen ekonomike”.

Deklarata thotë se qeveria amerikane është e përkushtuar të bashkëpunojë me çdo qeveri të formuar përmes procesit kushtetues.

“Shtetet e Bashkuara janë me njerëzit e Kosovës. Ne vlerësojmë përpjekjet e vazhdueshme të profesionistëve të shëndetësisë dhe të tjerëve që janë duke punuar shumë, me rrezik të madh, për të zvogëluar përparimin e CO VID-19 në Kosovë. Në këtë kohë të pasigurisë, ne nxisim krerët e Kosovës që të ndjekin Kushtetutën e Kosovës dhe sundimin e ligjit. Ne jemi të përkushtuar që të punojmë me çdo qeveri të formuar përmes procesit kushtetues”, thuhet më tej.

Për t’u abonuar në kanalin tone në YouTube ShkodraWeb TV mjafton të klikoni: SUBSCRIBE dhe do të informoheni me lajme me video por dhe argëtoheni pa fund me humor të zgjedhur! Për të marrë njoftime për video të reja, ABONOHU tani!
loading...