Shiste arme te ndryshme, arrestohet ne Lezhe 22- vjecari kuksian (emri)

Policia ka arrestuar një të ri pasi akuzohet se ka shitur armë në qytetin e Lezhës. Për kapjen e tij janë përdorur  metoda speciale hetimi. Kohë përpara proçedimit të tij u sekuestrua një armë zjarri pushkë me 5 fishekë qe 22-vjeçari Altin Halilaj i kishte shitur në Lezhë.

Sot u bë i mundur arrestimi i tij, dhe iu sekuestrua një thikë dhe 1 dozë lëndë narkotike Marijuanë.

“Më datë 09.11.2017, në kuadër të proçedimit penal të nisur 3 muaj më parë, ku pas një pune hetimore të ndjekur me metoda speciale hetimi, nga forcat policore të Seksionit të Hetimit të Trafiqeve të Paligjshme në D.V.P.Lezhë në bashkëpunim me Prokurorinë e Rrethit Gjyqësorë Lezhë dhe Drejtorinë Vendore Kukës, u bë i mundur kapja e shtetasit :– Altin Halilaj, 22 vjeç, banues në Kukës” shkruhet në njoftimin e policisë.

Gjykata e Rrethit Gjyqësor Lezhë ka caktuar masën e sigurisë “Arrest në burg” për 22-vjeçarin.  Materialet proçeduriale i kaluan Prokurorisë së Rrethit Gjyqësor Lezhë për veprime të mëtejshme.